👛Sollet.io

DEX.mn арилжааны үндсэн хэтэвч

Quest койны арилжаа төвлөрсөн бус dex.mn арилжааны платформ дээр явагдаж байгаа учир уг биржийг дэмждэг хамгийн хялбар хэтэвчийг сонгож авсан байгаа. Бусад төрлийн хэтэвчүүдийг ашиглах эсэх нь таны эрхийн асуудал. Sollet.io хэтэвч нь гар утаснаас DEX.mn болон бусад dApp уудыг ашиглаж байгаа хүмүүст ашиглахад хялбар учир анхлан суралцаж байгаа хэрэглэгчид уг хэтэвчийг ашиглахыг зөвлөж байна.

Хэтэвч шинээр нээх

Вэб хөтөч ашиглан https://sollet.io хаягаар хандана.

Хэтэвч шинээр нээхэд таны хэтэвчний Seed Words буюу хэтэвч сэргээх 24 үгийг харуулна. Та уг 24 үгийг хуулж аваад өөрөөсөө өөр хэнд ч харуулахгүйгээр маш сайн нууцлах, хадгалан авах шаардлагатай.

Дээр хэлсэнчлэн уг хэтэвч нь бүрэн Decentralized Wallet учраас бид таны хэтэвчний талаар ямар ч мээллийг хадгалж авдаггүй, таны хэтэвчний мэдээлэл таны интернэт хөтөч дээр хадгалагддаг ба та интернэт хөтчөө солих үед Seed Words оо ашиглан дахин сэргээх шаардлагатай болдог.

Хэрвээ та Seed Word (сэргээх 24 үг) -оо мартах эсвэл бусдад алдсан тохиолдолд өөрийн хэтэвчээ дахин сэргээх боломжгүйгээр бүр мөсөн алдахыг хатуу анхаарна уу!

Seed Words-ыг хадгалж авсны дараа I have saved these words in a safe place гэснийг сонгоод CONTINUE товч дээр дарж үргэлжлүүлнэ.

Үргэлжлүүлэх товч дарсны дараагаар танаас 24 үгээ оруулж баталгаажуулах үйлдэл хийхийг хүснэ

Уг талбарт хадгалж авсан 24 үгээ оруулж "Continue" товч дээр дарж үргэлжлүүлнэ.

Дараагийн хэсэгт шинээр нууц үг үүсгэж өгөх бөгөөд та дараагийн удаа хэтэвч рүүгээ хандахдаа нууц үгээ хийж нэвтрэх боломжтой. /Нууц үгийг тохируулахгүй байсан ч болно/ Нууц үгээ оруулсан бол CREATE WALLET дээр дарж хэтэвчээ үүсгэнэ.

Хэтэвчийг seed word ашиглан сэргээх

Хэтэвч амжилттай үүссэний дараа таны хэтэвч дэх SOL -н үлдэгдэл болон SPL токены үлдэгдэлүүд жагсаалтаар харагдах болно.